Foydalanish Shartlari & Maxfiylik Siyosati

AloBaho platformasining ishlash tartibi, xavfsizlik va to'lov shartlari haqida to'liq va ochiq ma'lumot.

🛡️

Biz qanday ma'lumotlarni yig'amiz?

  • ✓
    Sizning Parolingiz SAQLANMAYDI: Biz xavfsizlikni eng yuqori darajada ta'minlash maqsadida Google OAuth tizimidan foydalanamiz. Tizim faqatgina sizning Ismingiz va Gmail manzilingizni saqlaydi. Biz sizning parolingizni so'ramaymiz va u bizning serverlarimizda umuman saqlanmaydi.
  • ✓
    O'quvchilar haqida (Umumiy ma'lumot): Siz kiritgan o'quvchilarning ism-shariflari va ID raqamlari saqlanadi. Muhim: Bu ma'lumotlar tashqi shaxslar uchun hech qanday ma'no anglatmaydigan umumiy axborot hisoblanadi. Tizimdan tashqaridagi odam bu ismlarni qaysi maktab, qaysi sinf yoki qaysi hududga tegishli ekanligini aniqlay olmaydi.
  • ✓
    Test Skanlari: Siz rasmga olgan javob varaqalari maxsus o'rgatilgan dasturiy kod tomonidan tekshirilishi va siz xatolarni ko'z bilan ko'rib tasdiqlashingiz uchun vaqtinchalik saqlanadi.
🌍

Server va Xavfsizlik

AloBaho platformasi yuqori tezlik va uzluksiz barqarorlikni ta'minlash maqsadida xalqaro standartlarga javob beradigan Germaniyadagi (Hetzner Cloud) serverlarda ishlaydi.

Ushbu tizimdan foydalanish orqali o'qituvchi o'z o'quvchilarining ismlari, ID raqamlari va test natijalari Germaniya hududidagi xavfsiz serverlarda saqlanishiga rozilik bildiradi. O'quvchilarning ma'lumotlarini tizimga kiritish va ta'lim muassasasining ichki qoidalariga rioya qilish bo'yicha yuridik javobgarlik o'qituvchi zimmasida bo'ladi.

Ma'lumotlar faqat sizniki: Biz ma'lumotlarni hech kimga sotmaymiz, reklama kompaniyalariga bermaymiz va o'z manfaati yo'lida ishlatmaymiz. Barcha axborot faqat sizning shaxsiy hisobotingiz (Excel jurnallar) tayyorlanishi uchun xizmat qiladi va tizimimizning eng zamonaviy shifrlash usullari bilan himoyalangan.
🗑️

21 Kunlik Qoida (Avto-tozalash)

Xavfsizlikni kuchaytirish va server xotirasini optimallashtirish maqsadida, tizimga yuklangan barcha test rasmlari (skanlar) 21 kun o'tgach serverdan butunlay o'chirib tashlanadi.

Xavotir olmang, o'quvchilarning to'plagan ballari, to'g'ri/noto'g'ri javoblari va reytinglari sizning bazangizda (matn ko'rinishida) abadiy saqlanib qoladi. Faqatgina og'ir hajmga ega bo'lgan rasm fayllar tozalanadi.

💳

To'lovlar va Qaytarish (Refund) Shartlari

🎁 Avval 50 ta bepul imkoniyatdan foydalaning! Tizimga ro'yxatdan o'tganingizda sizga 50 ta bepul test tekshirish imkoniyati beriladi. Iltimos, biron bir pullik paket xarid qilishdan oldin, tizim aynan sizning ehtiyojlaringizga mos kelishini va to'g'ri ishlashini shu bepul limit orqali to'liq sinab ko'ring.

Pulni qaytarish (Refund) faqat quyidagi tartibda amalga oshiriladi:

✅
To'liq Qaytarish

Agar tizim yoki serverimizda yuzaga kelgan texnik nosozlik sababli testlarni tekshira olmasangiz va bu sizning ishingizga salbiy ta'sir qilsa, to'langan summa 100% to'liq qaytarib beriladi.

🔄
Qisman Qaytarish

Agar tizim mutlaqo to'g'ri ishlayotgan bo'lsa, lekin siz o'z xohishingizga ko'ra xizmatdan foydalanishni to'xtatmoqchi bo'lsangiz, jami to'lovingizdan siz ishlatgan skanlar qiymati ushlab qolinib, qolgan qismi qaytarib beriladi.

Savollaringiz bormi yoki o'z hisobingizni butunlay o'chirmoqchimisiz?

Telegram orqali bog'lanish

Tizimdan foydalanishni davom ettirish orqali siz ushbu shartlarga rozilik bildirasiz.
Oxirgi yangilanish: 2026-yil, Mart.