AloBaho.uz dan qanday foydalaniladi?

Test tekshirishni avtomatlashtirish juda oson!

AloBaho platformasi murakkab texnologiyalardan yiroq, oddiy o'qituvchilar uchun mo'ljallangan. Tizimdan foydalanish uchun kompyuter ustasi bo'lishingiz shart emas. Barchasi bor-yo'g'i 3 ta oddiy qadamdan iborat.

Keling, tizim qanday ishlashini amalda ko'rib chiqamiz.

1-Qadam. Test yaratish va rejimni tanlash

Shaxsiy kabinetingizga kirib, "Yangi test yaratish" tugmasini bosasiz. Test nomi, sinf va savollar sonini kiritgach, tizim sizga eng qulay bo'lgan ikkita rejimdan birini tanlashni taklif qiladi:

Faqat to'g'ri javoblarni (kalitlarni) kiritish: Agar sizda test savollari allaqachon tayyor bo'lsa, shunchaki tizimga A, B, C, D javoblar kalitini kiritasiz va o'quvchilarga tarqatish uchun universal bo'sh javoblar varaqasini yuklab olasiz.
Savollar yozish va PDF test yaratish: Agar siz testni Word dasturida uzoq vaqt formatlashdan charchagan bo'lsangiz, bu funksiya aynan siz uchun! Savollaringiz va variantlarini bevosita tizimga kiritasiz. To'g'ri javobni belgilaysiz (shunda tizim kalitni o'zi avtomatik eslab qoladi). Saqlash tugmasini bosishingiz bilan, AloBaho aqlli algoritmi sizga oppoq qog'ozga chop etishga tayyor, chiroyli PDF test kitobchasini shakllantirib beradi. (Dastur variantlar uzunligiga qarab ularni 1, 2 yoki 4 ustunga o'zi aqlli tarzda joylashtiradi!)

2-Qadam. Telefon orqali skanerlash

O'quvchilar testni yechib bo'lgach, varaqlarni yig'ib olasiz. Endi qizil ruchkani bir chetga qo'ying! Shunchaki telefoningizdan AloBaho saytiga kirib keyin testni tanlab, "Skanerlash" tugmasini bosasiz va qog'ozni kameraga tutasiz. Bizning maxsus dasturimiz varaqani taniydi va qaysi javob to'g'ri, qaysi biri noto'g'ri ekanligini vizual tarzda soniyaning beshdan bir qismida (0.2s) tekshirib beradi.

Qog'oz biroz g'ijimlangan yoki qiyshiq tutilgan bo'lsa ham, dastur xatosiz ishlayveradi!

3-Qadam. Tahlil va Natijalar jurnali

Barcha qog'ozlarni (masalan 30 ta o'quvchini) skanerlab bo'lganingizdan so'ng, "Natijalar" tugmasini bosasiz. AloBaho barcha o'quvchilarning natijalarini jamlaydi va chiroyli reyting ko'rinishida sizga taqdim etadi. Tizim avtomatik ravishda:

O'quvchining to'g'ri javoblari sonini hisoblaydi.
O'zlashtirish foizini chiqaradi.
Sinfdagi reyting o'rnini (O'rin) aniqlaydi.

Eng asosiysi, ushbu tayyor natijalar jurnalini PDF yoki Excel formatida birgina tugma orqali yuklab olib, ota-onalar guruhiga yuborishingiz mumkin!

Xulosa o'rnida...

Ko'rib turganingizdek, ilgari soatlar va asablar sarflangan jarayon – test tuzishdan tortib uni tekshirishgacha – endi bor-yo'g'i bir necha daqiqada, xatosiz va avtomatik tarzda bajarilmoqda.

Hali ham ikkilanyapsizmi? Tizim qanday ishlashini o'zingiz sinab ko'rishingiz uchun ro'yxatdan o'tgan har bir yangi foydalanuvchiga 50 ta bepul tekshiruv sovg'a qilamiz.

Vaqtingizni qadrlang, texnologiyalar siz uchun xizmat qilsin!